აღწერა: ბუღდაშენის ტბისაკენ მიმავალ გზას ჯერ კიდევ მაშინ დავადექით, როცა მზე ამოსული არ იყო. მზის პირველმა სხივებმა, რომელმაც გზაში მოგვისწრო, ჯავახური ღამის გრილი ჰაერით დანამული მიწა გაათბო და გარემო ოქროსფერი ნისლით დაიფარა - ჯავახეთის მიწაზე საოცარი, ოქროსფერი განთიადის მომსწრენი გავხდით და კიდევ ერთხელ დავრწმუნდით იმაში, რომ საქართველოს ეს მხარე მართლაც მისტიკური და განსაკუთრებული სილამაზით გამოირჩევა.